Ocorreu nesta granxa con capacidade para 3.000 cochos, situada no quilómetro 538 da nacional VI, en Guitiriz. Arredor das cinco da madrugada dispoñíanse a cargar un camión de porcos cando o encargado se decatou de que faltaban animais, e de que o resto estaban mesturados no interior da granxa.

Calculan que a cantidade de porcos subtraídos ascende a 29, o que supón unhas perdas de máis de 5.500 euros. Os cacos accederon ao interior forzando os cadeados das cancelas, e a localización da granxa xogou ao seu favor, xa que se atopa afastada das casas.

O empregado da granxa xa interpuxo a denuncia, e actualmente estase a investigar para dar co autor ou autores dos feitos. Barallan a hipótese de que cargasen os animais roubados nunha furgoneta para sacrificalos e vender as partes en carnicerías.