Absolto o ex-presidente do Fútbol Club Barcelona, Sandro Rosell, dos delitos de branqueo e organización criminal. A Audiencia Nacional conclúe que non hai probas que demostren que Rosell axudou a branquear comisións ilegais para dirixentes da Confederación Brasileira de Fútbol.

A fiscalía pedía para o ex-mandatario blaugrana 6 anos de cadea. Rosell pasou 22 meses en prisión preventiva, unha reclusión pola que os seus avogados estudan agora esixir responsabilidades.