Imos agora con balonmán e a recepción e homenaxe á selección española de balonmán polo seu bronce no mundial de Exipto.

Cuarta medalla nun campionato do Mundo, dous ouros e dous bronces. Da última había oito anos. Bronce para o galego Rodrigo Corrales, que volveu brillar ante Francia con dezaseis paradas.

O cangués foi, por segunda vez no torneo, o xogador máis valioso do encontro. O próximo reto serán os Xogos Olímpicos de Toquio.