Un novo incendio forestal afectou o venres o municipio ourensán de Muíños. Segundo informaron fontes da Consellería de Medio Rural, o incendio, xa estabilizado, foi rexistrado ás 13.20 horas na parroquia de  Requiás e afectou unhas 50 hectáreas.

Ademais, unha motobomba municipal ardeu en Calvos de Randín por mor do incendio, aínda que non houbo feridos tras o suceso.

ACTIVO un novo lume no concello de Muíños, parroquia de Requiás, que afecta o Parque Natural Baixa Limia-Serra do Xurés. Xa están traballando no seu control medios terrestres e aéreos. #IFRequiásMuíños

— incendios 085 (@incendios085) August 7, 2020

Precisamente, na madrugada do venres foron extinguidos outros dous incendios nesta parroquia, que afectaron a algo máis dunha hectárea de monte raso.