O Goberno do Reino Unido retira as dúas patrulleiras militares que enviou á illa de Jersey, onde pescadores franceses se concentraran para protestar polas limitacións pesqueiras impostas polas autoridades deste territorio británico autónomo.

Londres esgrime que estas limitacións son consecuencia do acordo posbrexit que regula as relacións entre a Gran Bretaña e a Unión Europea.

As limitacións aprobadas pola illa de Jersey á frota francesa establecen cantos días poden traballar ao ano, as especies que poden capturar e as artes de pesca que poden utilizar.