Longas ringleiras esta mañá no covid-auto do hospital Álvaro Cunqueiro de Vigo. As persoas citadas non pertencen a ningún cribado preventivo. Achéganse ata aquí ben porque teñen síntomas ou porque son contacto estreito dun positivo.

Nas últimas 24 horas a área sanitaria de Vigo sumou 299 novos contaxios. O que incrementa a máis de 3.300 o número de persoas infectadas.

Os contaxios van máis rápido que as curacións, por iso os responsables desta área sanitaria só farán cirurxías urxentes e de prioridade un durante a vindeira semana, é dicir, oncolóxicas e infantís.

A preocupación é evidente na rúa dado que as vindeiras semanas serán cruciais.

O obxectivo é o de liberar espazos ante a previsible suba de ingresos que se prevén nas vindeiras semanas. Só neste hospital xa están operativas 174 camas de covid e unhas 70 para enfermos críticos.