As imaxes que se viron esta Semana Santa en Santiago de Compostela había moito tempo que non se repetían. Rúas repletas de visitantes e longas ringleiras de peregrinos ante a Porta Santa. O Domingo de Pascua pasaron pola Oficina do Peregrino 272 persoas, case tres veces máis ca a fin de semana anterior.

Segundo Pérez, delegado de Peregrinacións da catedral de Santiago, asegura que se foi notando progresivamente ata onte que houbo preto de trescentas persoas as que pasaron pola oficina do peregrino. Un pequeno repunte que segundo di non se nota respecto a outros anos

De feito, no último Xacobeo a media de peregrinos durante a Semana Santa fora duns 2.000 diarios. Unhas cifras que aínda están moi lonxe das que se rexistraron estes días. Así e todo, hoxe seguiron chegando peregrinos; iso si, a un menor ritmo ca esta fin de semana.

A maoiría dos peregrinos que chegan estes días son galegos que aproveitan os festivos para facer o Camiño e gañar a compostela.