En Galicia, seguimos na mesma serie, superando os 200 positivos diarios. Esas cifras contemplan os infectados no gromo das instalacións de Correos.

Gromo no centro de Correos da Lavacolla

A repunta de casos na área sanitaria de Santiago incrementouse nas últimas horas coa detección dun gromo no Centro de Tratamento Automatizado que ten Correos na Lavacolla. Hai seis casos confirmados e 86 empregados pendentes do resultado da PCR.

O Servizo Galego de Saúde realizou este luns probas PCR na residencia de maiores Volta do Castro de Santiago de Compostela, 131 a usuarios e 162 a traballadores, tras o positivo dunha traballadora.

Segundo informa a área Sanitaria de Santiago e A Barbanza, foi un equipo de enfermería o que se desprazou este luns á residencia de maiores situada na capital galega ao coñecer o caso.

Tres positivos na residencia DomusVi de Lalín

Ademais, os casos de covid-19 vinculados co concello coruñés de Melide ascenden esta tarde a 53, tras detectarse nas últimas horas 11 novos positivos localizados despois do estudo feito entre mozos de entre 18 a 30 anos.

En Lalín xa son 3 as persoas contaxiados na residencia de maiores Domus VI. Trátase, segundo Sanidade, dun usuario e dúas traballadoras. 

En Santa Comba hai 25 casos de coronavirus

Un tractor cun atomizador desinfecta Santa Comba. Varios casos illados e un gromo cunha vintena de positivos obrigan a extremar as precaucións.

Unha festa familiar de aniversario foi a orixe. Un dos partipantes, procedente da Coruña, advertiu axiña de que dera positivo e acelerou o rastrexo de contactos. Habería un cento de veciños confinados e unha recomendación mentres non se saiban todos os resultados.

E queda no aire a agardada reapertura da escola infantil municipal, prevista para o 4 de setembro