CRTVG

Buscar

Repunta da covid en Santiago, con case 40 casos novos nunha semana

Publicado o 17/05/2021 15:10

Os datos publicados polo Sergas constatan unha repunta da covid en Santiago.

"Eu teño moita preocupación", explica un veciño.

Nos últimos 14 días a capital galega rexistrou 62 contaxios novos, dos que 38 se concentran só na última semana.

"A xente está desexosa de saír, de facer unha vida normal, e pode ser que iso axude a que aumenten os contaxios", relexiona outro home.

As cifras de contaxios na cidade aínda non acadan os niveis que implicarían un endurecemento das restricións. E é que a comparativa coa situación de hai un mes, cunha taxa de contaxios 13 puntos inferior á actual, confirma un cambio que non é bo, e lembra a necesidade de manter o respecto ante o virus.

A incidencia a 14 días en Santiago sitúase en 64 casos por cen mil, 5 puntos máis que no balance anterior.

Noticias web

17/05/2021