O festival Mar de Mares foi punto de encontro para artistas, científicos, activistas, educadores, cociñeiros e emprendedores que durante cinco días achegaron a súa particular visión sobre os océanos.

Nunha programación extensa e moi variada, o Mercado do Mar volveu ser un reclamo para o público, que puido achegarse a distintos proxectos inspirados no Atlántico e creados desde a premisa irrenunciable da sostibilidade.

Música e gastronomía completaron a oferta nesta última xornada do festival.