Rapaces de Castroverde participan na elaboración dun mural para decorar o pavillón municipal. A iniciativa serve ademais para homenaxear a figura da muller. 

É a primeira fase dun mural que se pintará ao longo de tres días e que pretende embelecer as paredes do pavillón deportivo, coa colaboración dos rapaces.

Unha vez pintada a parede con cores degradadas, que logo servirán de base para o deseño, comeza o traballo dos cativos. Un traballo creativo que perdurará no tempo e que se fai co esforzo de todos.