O galego Iago López Marra e o seu compañeiro Diego Botín acadaron un quinto posto no seu debut en Toquio na clase 49er masculina de vela. Comezaron ben na primeira regata, esa clasificación outorgáballes 5 puntos a falta de 11 regatas.

Porén, as dúas seguintes probas previstas para o día de hoxe foron adiadas por mor das circunstancias meteorolóxicas. Os tifóns e ciclóns están afectando á celebración dos xogos e xa obrigaron a pospoñer outras disciplinas como o tiro con arco.

En cabeza da clase marchan os irlandeses Dickson e Waddilove, seguidos polos británicos Fletcher e Bithell.

Veremos cando teñen lugar a segunda e terceira regatas.