A plena luz do día nesta rúa de Lugo tan só a trasfega cotiá do ir e vir dos seus veciños altera a tranquilidade. A situación é ben distinta nas fins de semana. Os veciños din que amencer aquí é unha agonía. Pelexas, ruídos, estragos no mobiliario. O conflito parece estar á saída dos locais nocturnos que se concentran nesta rúa.

Valentín Arias, voceiro da Unión de Asociación de Veciños de Lugo: "Este venres volveron a producirse incidentes importantes. Ten habido incluso pelexas graves"

Os veciños esixen máis presenza policial, pero tamén máis control por parte do Concello. Din que estes locais non cumpren cos horarios e cuestionan a legalidade das licenzas que permitiron a súa apertura.

Valentín Arias, voceiro da Unión de Asociación de Veciños de Lugo: "As licenzas haber en que orden están, se é como pub ou como bar. E en canto aos horarios é obvio de que non se cumpren. Eses son os puntos fortes nos que nós imos volver a insistir, haber si conseguimos que haxa paz"

Un problema que aquí veñen sufrindo dende hai sete anos, aínda que houbo unha época máis tranquila, parece que agora volve rexurdir.