Queda sen identificar o condutor que circulou en sentido contrario pola autovía do Barbanza esta fin de semana.

Segundo informa o Diario de Arousa, Tráfico dá por pechada a investigación, xa que nas imaxes difundidas non se distingue o vehículo, ninguén achegou dato ningún e descarta pedir as gravacións das cámaras de seguridade porque teñen pouca definición e só permiten saber a cor e o modelo do turismo infractor.