Carles Puigdemont di que volverá a Cataluña se é elixido eurodeputado o 26 de maio. O ex-presidente da Generalitat, fuxido en Bélxica dende hai un ano e catro meses, entende que o escano lle outorgaría inmunidade para entrar en España sen ser arrestado.

Puigdemont alega que non precisa recoller a acta en persoa, pero dende a Xunta Electoral Central matizan que o trámite de acatar a Constitución si é presencial no Congreso. Amais, o Parlamento europeo aclara que a inmunidade non pode invocarse por un delito xa imputado.