O Lugo o Leganés volven enfrontarse logo de catro temporadas. Curiosamente, daquel último partido só quedan dous xogadores no conxunto lucense. Seoane e Iriome. O canario louba o potencial do equipo madrileño, pero non o ve determinante.

Iriome. C.D. Lugo. "O nivel é brutal. Xa sabemos onde estaba a temporada pasada e que nos vai esixir. Pero esta Segunda división non é a de anos atrás que, ao final tes un nome, un bó plantel ao que hai que terlle o maior dos respetos, pero nesta categoría pode pasar calquera cousa e nós ao noso, a traballar e tratar de que os tres puntos queden na casa."

Para Juanfran, a chave do encontro vai estar en evitar erros individuais como os dous que lle custaron a derrota en Fuenlabrada a semana pasada.

Juanfran García. Adestrador do C.D. Lugo. "O que nos fixo fortes a pasada temporada foi que en erros individuais estivemos ben, estivemos acertados, estivemos fortes e nesta temporada o camiño ten que ser ese, non dar opción ao rival, saber que defensivamente somos un equipo forte, que somos un bloque bastante bo, pero para eso hai que correxir os erros individuais e, sobre todo, crecer."

Para este partido, Juanfran xa vai poder contar cunha das últimas fichaxes, Gerard Valentín.