Prisión sen fianza para un mozo de 23 anos da Illa de Arousa por agredir un veciño de 34. O xuíz de Cambados que lle tomou a primeira declaración acúsao de tentativa de homicidio.

Os feitos ocorreron na madrugada do sábado, na praia do Bao. Un home que paseaba á beira do edificio de usos náuticos atopou o corpo do ferido no chan, cheo de golpes e ao borde da hipotermia. Nun principio pensouse que a vítima caera por accidente do edificio.

O ferido está ingresado na UCI do hospital Montecelo con varias fracturas e lesións nun pulmón.