E no balonmán, xornada na liga Asobal. En Pontevedra o Cisne acaba de conseguir a súa segunda vitoria na máxima categoría. O equipo pontevedrés derrotou 28-25 ao Balonmán Nava logo dun encontro igualadísimo, resolto nos últimos minutos.

O conxunto que adestra Jabato, que na última xornada empatara co Sinfin, amosou a súa versión máis competitiva diante dun rival chamado a estar na zona tranquila da táboa.