CRTVG

Buscar

Primeira derrota da selección de balonmán diante de Francia (37-31)

Publicado o 30/07/2021 08:46
Primeira derrota da selección de balonmán diante de Francia (37-31)

A selección de balonmán perdeu por 37-31 diante de Francia no que é a primeira derrota do equipo de Jordi Ribera. Rodrigo Corrales foi titular, pero non puido deter o ataque francés, moi efectivo na primeira metade (18-12 ao descanso). 

España notou a ausencia en defensa do mancado Viran Morros e en ataque atopouse cun muro no porteiro Vincet Gerard. A segunda metade foi máis equilibrada pero con Francia mantendo unha marxe de seguridade que lle permitiu levar o partido. 

España é segunda e precisa un triunfo na última xornada diante da pechacancelas Arxentina para asegurar ese posto o que daría un mellor rival na decisiva eliminatoria dos cuartos de final. 

Francia 37: Gerard, Remili 9, Mem 3, Tournat 4, Karabatic, Mahe 3, Nguessan 3, Abalo 3, Guigou 1, Fabregas 1, Descat 7, Porte 2. 

España 31: Corrales, Pérez de Vargas, Gurbindo 2, Maqueda 1, Ángel Fernández 1, Entrerríos 1, Dujshebaev 5, Sarmiento 4, Aguinagalde 3, Solé 3, Figueras 2, Antonio García 4, Aleix Gómez 5, Guardiola