Primeira caída no número de pensionistas en 15 anos. As causas están no coronavirus, e por dúas razóns.

Por un lado, o número de falecementos, e polo outro, o atasco administrativo na seguridade social, que provoca un menor número de altas.

Segundo as cifras do Instituto da Seguridade Social, o número de decesos aumentou nun 13% respecto ao mesmo periodo de nove meses do 2019.

Non pasara nunca desde que hai datos na serie histórica. É certo que a caída non é grande, hai preto de dous mil pensionistas menos que hai un ano.