Segundo nos avanza Mabel Montes, aínda que hoxe o día está fresco e chuvioso, as cousas van ir mellorando cara á ponte de Semana Santa. 

"De cara aos vindeiros días, esperamos un pouco de todo. O xoves aínda se agarda inestabilidade, así que se prevén chaparradas durante as horas da tarde e algunha treboada. Pero o venres mellora a situación. Durante as horas da tarde, abriranse grandes claros en toda Galicia. E a fin de semana será de sol e calor, con máximas que poden rozar os trinta graos na metade sur do país".