A poboación envellecida con enfermidades coronarias adoita ter moita carga de calcio nas arterias. Estes casos acababan en cirurxía, pero dende hai meses o hospital de Lugo utiliza unha técnica pioneira, a litoplastia coronaria. A través de ondas de choque desfán o calcio que tapona mesmo as arterias máis grandes, como é o tronco coronario.

A aplicación desta técnica, que realizaron xa con éxito en 16 pacientes, foi premiada nun congreso internacional de cardioloxía. O hospital de Lugo é o primeiro de Galicia e un dos tres hospitais de España que están a levar a cabo esta innovadora técnica.