Máis suspense hai, polo momento, na alcaldía de Madrid, onde continúan as negociacións contra o reloxo. Hai un principio de acordo entre PP e Ciudadanos, que preparan un programa de goberno con 80 medidas e maila repartición de áreas do Goberno municipal, con Martínez Almeida como alcalde. Para iso precisan sumar o apoio de Vox. De non ser así, Carmena sería reelixida por contar con máis votos. En Barcelona, as bases dos comúns deben referendar hoxe o goberno de coalición co PSC que lle permitiría a Ada Colau repetir como alcaldesa. Malia que Maragall lle propón agora alternarse na alcaldía. Hai escasos minutos trascendía o acordo entre PP e Ciudadanos para que, co apoio de Vox, os populares recuperen o goberno local de Zaragoza.