Portugal entrará en 'estado de continxencia' o vindeiro martes, coincidindo co inicio do curso escolar. O Consello de Ministros luso aprobou onte un endurecemento das medidas xa existentes para tentar frear o avance da pandemia.

Aplicaranse en todo o país as medidas restritivas que xa imperaban na rexión de Lisboa e Val do Teixo, a máis afectada pola Covid. Prohibiranse os grupos de máis de dez persoas e limitaranse os horarios comerciais e a venda de alcol. Estas medidas serán aínda máis estritas en dous escenarios: nos restaurantes e cafeterías dos centros comerciais e nos que estean preto dos colexios.