Portugal está, dende onte á noite, en estado de alerta por incendios. O Goberno luso tomou esta decisión polas altas temperaturas que afectan o país.

Ata o mércores quedan prohibidas as queimas controladas e o acceso a zonas forestais.

Un dos incendios máis virulentos foi este de Oleiros, no centro do país veciño, onde un bombeiro morreu e outros sete quedaron feridos.

O lume quedou controlado esta mañá. Nos labores de extinción traballaron máis de 850 efectivos, 260 vehículos e 14 medios aéreos.