O que vai ter apoios é o sector turístico portugués. O Goberno xa ten definidas como van ser as axudas. Haberá descontos de ata o 50%, con cartos do executivo.

Van destinar nunha primeira partida 50 millóns de euros. Para que os portugueses visiten o seu país haberá descontos directos que se poden xestionar a través da páxina de Turismo de Portugal, e ademais van devolver parte do IVE ás empresas e usuarios unha vez desfrutadas as experiencias turísticas, algo que, por exemplo, o Goberno español xa descartou que faría.

Estas son axudas para portugueses, as que se ofrecen desde o Goberno, pero os galegos si nos podemos beneficiar da parte dos descontos que prepararon as empresas do sector, e hai de todo: ofertas de aloxamento, experiencias gastronómicas, catas de viños e ata observación de golfiños. Estarán dispoñibles ata o 15 de decembro.