E no balonmán, o Porriño apañou a segunda derrota consecutiva. Foi na súa propia pista e diante do Xixón.

As galegas foron quen de remontar desvantaxes de ata cinco goles e marcharon ao descanso por diante, 15-14. Pero as asturianas reaccionaron nos últimos minutos e acabaron levando a vitoria por 27 a 31.

Pola súa banda, o Atlético Guardés sufriu primeira derrota do curso, por 24 a 19 en Elxe.