Ourense rozou onte os 30 graos e hoxe vai polo mesmo camiño. Segundo as previsións de Meteogalicia, na cunca do Miño, no sur de Lugo e nas Rías Baixas superarán esta tarde os 25 graos. Estas altas temperaturas contrastan co frío e as néboas de primeira hora da mañá. Un grao e medio só tiveron hoxe en Calvos de Randín, a mínima do país.

Sol e calor non só hoxe, toda a fin de semana no sur de Galicia, para gozar, quen poida, desta ponte do Pilar antes de despedir definitivamente o tempo e os costumes do amado verán. Na metade norte do país tamén haberá sol, pero as temperaturas serán máis suaves.