CRTVG

Buscar

Podemos pasear no concello da segunda residencia se durmimos nela

Publicado o 14/05/2020 20:37

Os concellos costeiros están cansos dos paseantes. Das persoas que non viven alí, pero que estes días invaden as súas vilas a pesar da pandemia.

A norma é clara. Dende que comezou a fase 1 podemos movernos por toda a provincia, pero só para as actividades permitidas. Para mercar, ir a bancos, farmacias, salóns de peiteado, pero non para o paseo habitual, que debe facerse á beira da casa. Ir pasear á costa en masa pon en perigo a saúde de todos.

O que si podemos facer é trasladarnos á segunda residencia. E, se quedamos alí a durmir, poderemos pasear pola zona como un veciño máis. Tamén se estamos nun hotel ou nunha caravana. Pero ollo coas trampas. O que non se pode facer é usar de escusa que temos un piso en Baiona para ir pasear alí pola tarde e despois volver durmir a Vigo porque é alí onde estamos facendo vida. Ou vivimos nun concello ou vivimos noutro.

Noticias web

14/05/2020