As farmacéuticas estadounidenses Moderna e Pfizer subirán os prezos das vacinas contra a covid, segundo anuncia o xornal Financial Times. O xornal británico afirma que a vacina de Moderna pasará de 19 euros a 21 ou 24, mentres que a dose de Pfizer pasaría dos 15,50 euros actuais aos 19,50.

Esta suba podería deberse aos bos resultados das súas vacinas contra a covid, fronte aos problemas dos preparados de AstraZeneca e Janssen.

Se se cumpren as previsións do Financial Times, Pfizer podería gañar o ano que vén máis de cincuenta mil millóns de euros, mentres que Moderna ingresaría preto de trinta mil polas vacinas anticovid.