Primeiras declaracións de Pedro Sánchez pouco despois de perder a segunda votación dunha investidura que non foi posible pola falta de acordo con Unidas Podemos. Co seu líder foi especialmente duro o presidente en funcións. Acúsao de querer montar un goberno en paralelo e ata en catro ocasións remarcou o erro de Iglesias ao non facilitar a investidura.

Sánchez volverá intentalo. Pero xa non fala dun goberno de coalición e apela á responsabilidade de Partido Popular e Ciudadanos para que permitan a formación do Goberno. Algo que, de momento, parece pouco probable.