A presidencia do Perú está arestora no aire pendente do voto exterior, onde Fujimori colle vantaxe, e do voto de zonas illadas do rural. Con todo, centos de persoas saíron á rúa para celebrar xa a vitoria do candidato de esquerda Pedro Castillo. Co 99% do reconto escrutado Castillo suma o 50,3% dos votos, contra o 49,7% de Fujimori, unha diferenza de menos de 100.000. Fujimori denunciou 'fraude sistemática' na segunda volta das eleccións, pero a Asociación Civil de Transparencia do Perú asegurou que non hai indicios de fraude.