As autoridades sanitarias do Reino Unido pechan un laboratorio que procesou como negativos 43.000 test de covid que en realidade eran positivos. Os resultados erroneos emitíronse entre o 8 de setembro e o 12 de outubro e a maioría procedían do suroeste de Inglaterra. A axencia de Seguridade Sanitaria británica fala dun caso illado que só afecta a este laboratorio. No Reino Unido fanse diariamente un millón de probas de covid.