Un mes despois de frustrarse o desembarco de 4.000 quilos de cocaína na ría de Arousa, péchanse as operacións Tuneladora da Garda Civil e Lince da Policía Nacional.

Sáldanse cun total de 8 detidos que ingresaron no cárcere da Lama. Nos últimos días na Guarda, onde se sitúa o centro loxístico da organización criminal, interviron material como teléfonos móbiles, documentación ou vestimenta que se empregou para a descarga.

A investigación apunta que a lancha auxiliar interceptada neste concello procedía da nave nai, que,, supostamente, atravesou o Atlántico e que terminaría varada en San Vicente do Grove.