Desde o martes está pechada a liña ferroviaria que enlaza Vigo con Ourense. Hai corrementos de terra e os temporais están a dificultar os traballos. O restablecemento do tráfico semella que vai para longo.

Van tardar en reparar a liña polo menos dúas semanas máis. E é que a ladeira é moi inestable e témense novos derrubamentos. Esta é a segunda fochanca que se produce neste punto en pouco tempo. A anterior foi o 11 de decembro.

Falamos dun treito con continuas incidencias que impide que os viaxeiros poidan circular por tren desde Ourense a Vigo.