Tras concluir as dilixencias policiais nas dependencias da Ertzaintza, os seis homes detidos como presuntos autores dunha violación múltiple en Bilbao pasaron a disposición xudicial... Os arrestados teñen entre 18 e 36 anos e, segundo medios locais, algún deles conta con antecedentes policiais.
A violación grupal produciuse na noite do xoves, no parque Etxebarria. A vítima, de 18 anos, supostamente quedara alí cun dos arrestados a través das redes sociais.

Cando chegou a este parque, ao ver ao grupo de homes, a moza intentou fuxir... Os supostos agresores perseguírona e ameazárona cunha pistola, que os investigadores cren que podería ser falsa
Tras a agresión sexual a vítima acudiu ao hospital de Basurto acompañada dun familiar. O persoal médico activou o protocolo establecido nestes casos.
Poucas horas despois a Ertzaintza, en colaboración coa Policía Local, arrestaba seis homes pola súa presunta implicación na agresión sexual en grupo...
A ampla descripción que deu a vítima facilitou o arresto. A moza mesmo describiu unha tatuaxe dun dos agresores.

Onte centos de bilbaínos participaron nunha concentración de repulsa por esta nova agresión
Segundo os datos que facilita o proxecto "Geoviolencia sexual"...
Desde "a Manada" dos San Fermíns do 2016 ata agosto de 2019 en España houbo unhas 125 agresións sexuais en grupo.