Non é habitual ver esta planta de Balaídos sen apenas actividade. Pero a falta de compoñentes electrónicos, a coñecida como a crise dos microchips que afecta a outros moitos sectores en todo o mundo, obrigou a suspender a fabricación de coches nos dous sistemas de produción de Stellantis Vigo.

O escenario afecta directamente a 7.000 traballadores e indirectamente a 25.000 persoas das industrias auxiliares. As paradas orbigadas provocaron milleiros de expedientes de regulación temporal de emprego e a situación podería prolongarse a todo o mes de xuño se non se cumpren as previsións.

Stellantis Vigo fabrica máis de 2.000 coches diarios. A parada suporá importantes perdas económicas para o sector, tantas que o atraso na recepción das pezas podería provocar un lixeiro aumento dos prezos que afectaría aos automóbiles.