Pablo Iglesias rompe o seu silencio sobre as acusación de malversación do ex-avogado de Podemos, José Manuel Calvente.

Na súa conta de Twitter persoal, Iglesias lamenta o "xuízo mediático" formado ao redor da denuncia por parte de Calvente, recorrida pola formación, e lembra outras causas nos tribunais que tamén afectaron o seu partido e que remataron arquivadas.

"O final de todas estas acusacións é coñecido", asegura no fío o vicepresidente segundo. "O dano que fan horas e horas de faladoiros, portadas escandalosas e telexornais non o repara o arquivo sistemático dos procedementos", indica Iglesias.

Ademais, asegura que o seu partido "como sempre" está á disposición das autoridades xudiciais para achegar "toda a documentación e información que consideren".

— Pablo Iglesias (@PabloIglesias) August 14, 2020

A oposición esixe explicacións e responsabilidades ao PSOE polas graves acusacións que afectan ao seu socio de goberno. Pablo Casado pide o cesamento de Pablo Iglesias.

José Manuel Calventre asegura estar a sufrir unha campaña de acoso a raíz da súa denuncia ante a xustiza dun presunto delito de malversación.