Dende hoxe, os traballadores galegos afectados por expedientes de regulación de emprego poderán solicitar un adianto das prestacións que lles debe o Goberno central.

Anunciouno o conselleiro de Economía tras manter unha xuntanza por videoconferencia con empresarios de San Cibrao e Barreiros.

Francisco Conde fixo fincapé en que esta medida, acordada con varias entidades bancarias, permitirá ás familias facer fronte ás súas necesidades.