Piden unha solución urxente para a complicada situación que están a vivir. Os traballadores de Barreras saíron de novo á rúa.

Case un cento deles participaron nunha manifestación que partiu do estaleiro, convocada polos sindicatos UXT, Comisións Obreiras e CIG. Esixen que non se perda máis tempo e que se tomen decisións para arranxar a situación canto antes, e poder comezar así coa construción dos barcos. Do contrario, 1.000 empregados poderían quedar na rúa.