Os trabalaldores de Alcoa foron convocados polo comité de empresa para decidiren en asemblea se retoman as mobilizacións. Esta comezará ás 15:10 diante das instalacións que a factoría ten en San Cibrao.

O comité informará o preto de milleiro de traballadores sobre o proceso de venda da fábrica. O 30 de abril remataba o prazo acordado polos traballadores coa dirección para manter a paz social mentres se negociaba a venda da factoría á SEPI.

Os traballadores dubidan agora do compromiso do Goberno, logo de que Industria manifestara que ten que ser Alcoa a que negocie directamente cos compradores interesados. O Goberno di que se dará apoio, pero todo apunta a que a operación de venda non se pecharía a través da SEPI. Isto xera desconfianza entre os traballadores. Defenden que facer a venda a través da SEPI é a unica forma de garantir que o proxecto é viable. Por iso, pídenlle ao Goberno que cumpra cos seus compromisos.