Para os maiores da residencia Padre Rubinos da Coruña esta é unha xornada de festa. Prepáranse para dar unha volta pola cidade moi especial. A viaxe será en taxi, pero esta vez nin van a unha cita médica nin a un hospital.

Escoltada pola Policía Local e paseniño, unha caravana de 20 taxis discorre polas rúas máis céntricas para que os seus pasaxeiros poidar gozar da iluminación e do ambiente de Nadal que se vive na cidade nestas datas. A viaxe para eles é de balde. Os taxistas queren amosarlles así a súa gratitude.

A parada obrigada foi a carón da bola de Nadal, situada na Mariña. Alí, entre risas e panxoliñas, agradecían a viaxe.

Para eles, o espírito de Nadal, desta volta, chegou en taxi.