As probas de ADN confirmaron que os restos atopados en Asturias hai tres meses corresponden ao mozo de Narón Fiz Patiño Rubal, desaparecido en setembro do ano pasado.

O rapaz, de 23 anos, saíra da súa casa de Narón coa intención de ir a un evento en Lugo. A Garda Civil levou a busca ata Asturias, que foi onde finalmente se localizou o cadáver a carón dunha mochila, nunha zona de difícil acceso.