Cada ano, a finais do inverno, a lamprea deixa o mar e remonta os ríos galegos para desovar no mesmo lugar onde naceu. Nesta última viaxe da súa vida, este peixe endurece a súa carne loitando contra a corrente e convértese nun dos manxares máis cobizados da nosa cociña. Moitos restaurantes aproveitan a tempada para presentar unha carta especial.

Chef Rivera. O seu restaurante ofrece cada ano unha carta distinta de lamprea. "Facemos todos os anos 5, 6, 7 pratos distintos. Este ano temos unha ensalada temperada con lombo de lamprea. Volvemos repetir uns pratos por demanda da xente, como a afumada con lacón con grelos. Temos o risoto que a xente segue pedindo e o timbal e a clásica. En realidade a que máis quere a xente é a clásica á bordelesa ou ao viño tinto".

Os cociñeiros e mais os clientes teñen arredor de tres meses para disfrutar deste peixe. O consumo está tan concentrado que os profesionais teñen que engadir receitas innovadoras cada ano e combinalas coas preparacións más clásicas. Trátase de non aburrir os amantes da lamprea e de buscar novos afeccionados.

Chef Rivera. O seu restaurante ofrece cada ano unha carta distinta de lamprea. "Porque unha persoa que non lle guste a lamprea á bordelesa daslle un risoto e din isto non ten nada que ver coa lamprea, que a probei unha vez e non quixen saber nada dela. A afumada rechea de lacón con grelos é un friame que non ten nada que ver coa clásica".

Hai quen fai centos de quilómetros para comer lamprea. E hai quen non soporta nin o seu aspecto. Este peixe non ten punto medio. Pero se nunca o probou, saiba que estamos en tempada e que son tantas as preparacións que ben vale a pena arriscarse con ela.