Os reis de España, Filipe e Letizia, percorreron este mércores os pavillóns da Feira Internacional de Turismo, que arrancou hoxe, pero evitaron pasar polo de Marrocos. Filipe VI e Letizia Ortiz inauguraron este mércores a edición número 41 de Fitur, que se celebra en Ifema Madrid ata o vindeiro domingo. Reunirá máis de 5.000 participantes dos cinco continentes e estará centrado na reactivación do sector, tras un ano en branco pola pandemia.