Os Reis e as súas fillas, a princesa Leonor e a infanta Sofía, presidirán esta tarde os Premios Princesa de Asturias, que volven ao Teatro Campoamor de Oviedo.

A cerimonia deste ano rozará a normalidade coa asistencia de todos os premiados. Esta mañá foi a recepción oficial aos galardoados, entre os que están os creadores da vacina contra a covid, a nadadora Teresa Perales ou o cociñeiro José Andrés e a súa organización World Central Kitchen.