CRTVG

Buscar

Os profesores buscan recursos para chegar aos seus alumnos de forma telemática

Publicado o 19/04/2020 15:33

No último mes os profesores tiveron que buscar recursos para chegar aos seus alumnos de forma telemática. Foi unha adaptación tecnolóxica obrigada que aumentou o seu traballo e que tamén require maior responsabilidade do alumnado. A través de videochamada entre profesora e alumnas comentan o novo método de aprendizaxe.

Alén das redes sociais, os profesores recorren a aplicacións como a aula virtual, a plataforma Webex, Abalar móbil ou correo electrónico para impartir coñecementos e responder a dúbidas. Tamén as achegas das editoriais.

En primaria o contacto directo cos alumnos é máis complicado. Mari prepara matemáticas ABN dirixidas tanto a alumnos como familias. As horas dedicadas aumentaron para os docentes: adaptación a un novo contorno de traballo, preparación e adecuación de materiais, e estar dispoñibles para dúbidas.

Todos coinciden en que iso é único que non poden suplir as tecnoloxías: o ambiente das aulas, estar cos seus alumnos. A eles dedicáronlles este vídeo de ánimo os profesores do CEIP A Solaina, de Narón.

Noticias web

19/04/2020