A vacinación vai a bo ritmo. Xa está vacinada o 50 % da poboación diana de Galicia. A semana que vén ábrese a quenda para o grupo de idade de entre 40-49, pero non vai ser en todas as áreas sanitarias ao mesmo tempo.

O conselleiro de Sanidade explicou esta mañá que a semana que vén se vai dedicar case por completo ás segundas doses de AstraZeneca para completar a vacinación dos maiores de 50. Pero nas áreas onde ese grupo é menos numeroso e, polo tanto, van máis rápido, poderían empeza a chamar xa os do seguinte grupo, os que teñen entre 40 e 49 anos.