Nunhas horas dará comezo o Dakar, no que participan os galegos Edu Iglesias en motos e Yago de Prado e Ricardo Ramilo en buggy.

Oficialmente o rally empeza o domingo, pero mañá sábado a organización fixou unha etapa prólogo, de apenas dez quilómetros de distancia, que servirá para fixar a orde de saída. Os primeiros en chegar serán os primeiros en arrancar o domingo.

Nun principio esa orde viña marcada polos dorsais, pero entendeuse que prexudicaba aos máis altos, por seren os últimos en partir e debían transitar polo pó dos anteriores.