CRTVG

Buscar

Galicia segue reducindo o impacto da covid cos novos casos por baixo da centena

Publicado o 18/09/2021 10:35
Galicia segue reducindo o impacto da covid cos novos casos por baixo da centena

Continúan baixando os casos activos en Galicia ata os 2.387, 193 menos ca no día anterior. Tamén segue en descenso o ritmo de contaxios, que se sitúan por baixo do centenar. Nas últimas vinte e catro horas rexistráronse un total de 99 novos positivos.

A distribución destes casos por áreas sanitarias é a seguinte:

-Vigo: 22

-A Coruña: 13

-Pontevedra: 4

-Santiago: 7

-Ourense: 20

-Lugo: 32

-Ferrol: 1

A situación mellora en todas as áreas sanitarias excepto en Lugo e Ourense, onde soben os contaxios. 

Hospitalización

Do mesmo xeito, diminúe a ocupación hospitalaria. En planta hai cinco persoas menos ingresadas (79) e catro menos en UCI (28). Por outra banda, o Sergas non notificou ningún falecemento na última xornada.

Dende que comezou a pandemia, diagnosticáronse 181.644 casos. Do total, curáronse 176.677 persoas e faleceron 2.614.